Vinna með tilvísanir

Örstutt um tilvísanir

Þegar þú birtir síður og tekur úr loftinu muntu á endanum þurfa að búa til tilvísanir. Tilvísun passar upp á að þegar síða er ekki lengur til (skilar 404 villu) munu notendur og leitarvélar rata á nýja vefslóð. Þannig mun notandinn ekki enda á villusíðu eftir að hafa fylgt eldri leitarniðurstöðu.

Wagtail býður upp á tvær tegundir af tilvísunum sem ræðst af því hvort hakað er við Varanleg eða ekki:

• Varanleg tilvísun (sjálfvalið)
• Tímabundin tilvísun

Notandinn mun ekki sjá neinn á þessum tveimur tegundum tilvísana, en leitarvél mun bregðast mismunandi við þeim.

• Þegar um tímabundna tilvísun er að ræða mun leitarvélin skrá bæði gömlu og nýju vefslóðina (tilvísunina).
• Þegar um varanlega tilvísun er að ræða mun leitarvélin merkja gömlu vefslóðina sem úrelda og geyma þá nýju í staðinn.

Stillingar á tilvísunum.

Til þess að stilla upp tilvísunum skaltu fara í 'Tilvísanir' undir Stillingar sem þú sérð í vinstri valmyndinni.

Í listanum yfir tilvísanir getur þú:

• Stofnaðu nýja tilvísun með því að smella á Bæta við tilvísun efst til hægri.
• Þú getur leitað að tilvísunum sem þegar hafa verið stofnaðar í leitarstikunni. Niðurstöðurnar uppfærast sjálfkrafa þegar þú slærð inn textann.
• Hægt er að breyta tilvísun með því að smella á vefslóðina í listanum.

• Þú notar Tilvísun frá reitinn til þess að tilgreina slóðina sem er ekki lengur til á vefnum þínum.
• Veldu vefsvæði úr Frá vefsvæði reitnum ef það á við (t.d. ef þú ert með mörg vefsvæði)
• Hakaðu við hvort tilvísunin eigi að vera varanleg eða tímabundin (ekki hakað við).

Í síðasta skrefinu getur þú annað hvort vísað á nýja síðu innan Wagtail eða vísað á annað vefsvæði fyrir utan Wagtail.

• Veldu síðuna þína úr valmyndinni fyrir Tilvísun á síðu.
• Sláðu inn fullt lén og vefslóð fyrir Tilvísun á vefslóð.